يوم المرأة /بقلم ياسين مصطفى بكري

*** بمناسبة يوم المرأة العالمي ***

المرأة تاج الدار والدوار
تعبتي علينا كثير تكبرنا
المرأة ست الكل جوى الدار
كلمة لطيفة كثير تسعدنا
المرأة أنت مكملة المشوار
بتضوي علينا مثل شمعتنا
بتتعبي تربي ولاد صغار
وحبك بظل بقلب ضيعتنا
ربيتي رجال وبالفعل أحرار
والمرأة هي رمز أمتنا
تصحى الصبح وتسبح الجبار
والقلب مليان  بمحبتنا
انت العطر والورد والازهار
انت الوطن انت معزتنا
وتناضلي ديما مع الاحرار
تناكل اللقمة  بكرامتنا
المرأة انت النجم والاقمار
وانت الوطن يلي بيحضنا
المراة انت الكرم والزوار
والابتسامة  الي بترحمنا
.............
تحياتي...ياسين مصطفى بكري...