صعب جدا /بقلم سامى ابو الغيط

صعب جدا حب عمري يبقى وهم
ياللى كنت صورة حلوة
وف عيوني اصيل وشهم
صعب جدا قلبي انا
كان ينجرح منك ب سهم
ياللى كانت نبضة منك
كل ليلة تكونلي غنوة
حتى لو نبض الشفايف كان أصم
صعب اصدق يوم تبعني ب الرخيص
ياللى كان احساسك انت كان هاويس
شلال بيروى مُهجتى كنت الونيس
صعب جدا ده انت فيا كنت دم
تروي قلبي والعروق ياللى منك كنت ادوق
الشهد فيا ل كام سنه افهم ياعم
صعب اعيش من غير ده نبض
اصل القمر فوق ف السما
ازاى هاينزل يندفن ف ضلوع دى أرض
حبك انت مش حكاية بتتحكي
والله حبك كان لي فرض
سامى ابو الغيط