عفاف مسلم علي
المرحومه شهد عوض بكفر سعد
يا شهد ليه سبتيني
يا باب حزن وجاني
وفرقه واه عنواني
يا وجعاني وألماني
وخليتي الوجع سكني
يا سنداني وشيلاني
ولا حسيت بيوم فقري
يا أبويه واخويه مش بنتي
بإيدك لقمتي وعشتي
يا صرخه صوتها بينادي
وااااااه وجعا فؤادي
يا شهد ليا تعالي
يا بنتي ليه سبتيني
د لسه بدري ع الروحه
وفراقك جراح ومفتوحه
د حلمي ليكي في الكوشه
يا شهد وانتي عروسه
ينادي النعش بأعلي صوت
وباب القبر ليكي مفتوح
وده وقتك المحدود
وياخد منى شبابك
بكفنك ٱخد عزاكي
وٱه من لحظه مره
والنعش بينادكي
العمر راح في لحظه
والصبح مش لاقيكي
ع الباب هقوم واخبط
يا شهد فيكي ايه
هوصي القبر عنك
في حضنه يرحمك
وبالف رحمه منه
بنوره يحضنك
خلاص موتك هلكني.
ولا عاد حياه تلزمني
يمكن اعيش عشان
أفضل أحكي في سيرتك
واقول للناس زمان
كانت وكان وكان
ملاك واسمه شهد
ادعوا لها معي يلله
يااااربى يرحمك
ليست هناك تعليقات:
إرسال تعليق