نسيانك مش مستحيل
...... ..........
ذكرياتنا صعب تتنسى
فيها فرح وحزن وأسى
هبدأ حياتي من جديد
يمكن ألاقي حب ووفا
ولو ان الحب عني بعيد
مش هسيب عيون القلب تغفى
واعوض حب خان فحب جديد
وانده معاه لحلم الصدق والصفا
عشان انت كنت خاين عنيد
ساب حضنك الحنية والدفا
أنا سايبك غصب عني أكيد
قلبي من الدموع والحزن اكتفى
كنت بشتقلك قريب بعيد
كنت ليا الهوى، ليه اخترت الجفا
كنت فاكر حبك جبار شديد
أتاريه زي قشة على الميَّا طفى
في بحور الغدر غرقان وحيد
فاكر نفسك بين الكل المصطفى
بلحظة جد ياحبيبي الوحيد
تترمي كأنك شيء لمع و فجأة اختفى
زي ما خنت رحم كان منه الحب وليد
يجي يوم تلاقي نجمك قفل وانطفى
نسيانك مش مستحيل، إسمك ماهوش مجيد
بس المستحيل تعيش حالة شِفا
اسمك هينكتب من صدأ الحديد
والحب ع اللي زيك عدى زي ريح الهفا
يوم اللي عرفتك كان عندي عيد
ويوم اللي سبتك كان زي حلم واختفى
.......
عثمان الأقرع .... سوريا
ليست هناك تعليقات:
إرسال تعليق