أمسيات الحسن . . 14/ 9/ 2021
( ديار الأحبه )
بقلم الشاعر : حسن حلمى
يا دنيا ليه الغياب
طول على ديارنا
والغيبه غربه وعذاب
والبعد حيرنا
فاكر هوانا يا ناس
ولا نسي حالنا
رفعنا ياما القلوع
فى البحر بالعالى
نحضن هوا المحبوب
ونفدى بيه الغالى
وسقيته كاس الغرام
من نظره لعيونى
ودويت جراحه بيدى
وعوازلى لامونى
ياما شكينا الزمان
للبدر فى سمانا
والنجم سامع انين
بالقلب جوانا
فاتت ليالى الحنين
والضمه وحشانا
يا دنيا ليه الغياب
طول على ديارنا
قالو الحبايب بغربه
والقلب ينساهم
قلت القرايب بدارى
والعين ما تهواهم
بزياده هموم يا زمن
خلينى على حالى
صاين لعهد الحبيب
والدمع مدارى
يا دنيا ليه الغياب
طول على ديارنا
بقلم الشاعر : حسن حلمى
ليست هناك تعليقات:
إرسال تعليق