كلام ف العضل.
عبدالله رجب ابوعدنان
لما يكون عندك برد
لا تصد ولا ترد
طول عمرنا بنعدد
امتا راح نتغير
امتا راح نجدد
ونحس بقيمة الإنسان
اروح المشفا
ولا ادور على وصفه
شوية شيح على كمون
أصلي جسمي م الهم مصحون
وكل رئيس يشيل يافطة
ويحط صورة على كل محطة
طول ما فيه واسطة
البس بالمندار واعيش مجنون
وايه فايدة العيشة
مادام الحظ معاند الغلبان
اقف ف الطابور
زي كتير معذور
بخاطري ولا مجبور
ولحد ما ييجي عليا الدور
أحكي حكايه الريس أمان
كل حاجه بالنبوت
ولا يطلعلك صوت
راحة ليك الموت
وموظف بيشخط وكلة جبروت
ووشوش ماليها الخوف
هوا عايز يعيش ومش جبان
دا تبرير محمل
زي الحقن ف العضل
على ايه ها نتجمل
اهي كلها مسكنات
أصل الدوا ف بلدنا بهتان
ونادت عليا ممرضة
تكز على شفايفها ومعضعضة
بتزق فيا متصربعة
اخلص يا مان
وانا اكمني م الريف
خايف لا يكون كلامي سخيف
واحنا ف زمن الكدب و الزيف
لكمتني خليك خفيف
الدكتور جزار ابن بدران
كتب لي روشتة
اشرب مية كتير
وسد ودانك من التفكير
عمرك ما هاتكون شاعر كبير
وتفضل زي ما انت ابوعدنان
كلام ف العضل...
الشاعر عبدالله رجب ابوعدنان
ليست هناك تعليقات:
إرسال تعليق