@ حيرتينا معاكى @
يادنيا فين مرساكى خبرينا توهنا معاكى وتاهت خطاوينا
تعبنا ولفينا علي رجلينا لا ليكي معني ولا حظ يهادينا
سؤال وجواب أنتي ليه بس عايزة تفرسينا
د أحنا غلابة والخير ساكن فينا
نروح ولا نرجع في لحظة نتوه عن أراضينا
يفوتتا القطر ننسي أصلنا ننسي معانينا
يتوه الكلام فوق الشفاه ما حد دارى بينا
الكلمة بحساب نقولها حتي في أغانينا
يا دنيا يا أم الحنان ليه بتنسينا
ما أحنا منك عايشين معاكي ولا الحق علينا
كنا بعدنا عنك ودنيا ثانية تنادينا
يمكن كانت عنك تحس بينا
ترمي من خيرها علينا ما أحنا ياما تعبنا وحفيت رجلينا
راح نرحل عنك ودموعنا في عينينا
ندور علي مرسى لميناء
ويوم ما نتوه عنك ابقي دوري علينا يمكن تلاقينا
بس أنتى أعدلي بالحق وبلاش تنقي وتختاري وكفاية اللي جرى لينا
راضى السقا
ليست هناك تعليقات:
إرسال تعليق