وراجعه تانى بدموعك
وبخضوعك
وبكسرت قلبك الباهت
منا اللى جيتلك
ف ايدى الورد
وكان ردك كلام باهت
ابعتلك فى مراسيلى
تردى بكلمه ف سطورك
وكان يبقى الكلام باهت
نسيتى حزنى فى كلامى
نسيتى دمعى الحيران
نسيتى نظرتك ليا
وكأنى الوبا صابنى
وخايفه تقربى منى
كأنى بعانى م الجربان
انا انسان
يا ست الكل ف زمانك
انا قلبى اشتراكى زمان
وقلبك الرخيص هانك
شبعت كتيييير من زلك وعصيانك
ومن ايدى اللى تستاهل كسرها
وهيا بتمسك طرف فستانك
وف ودانى صدى صوتك
منيش فارس لاحلامك
اقولك ايه
خلاص روحى لجناب البيه
وسبينى ف طي نسيانك
انا مش حاسس الاحزان
ف دموعك وف كلامك
ولو كلامك ليا انا صادق
كنت حسيت الجرح
ف دموعك وف كلامك
بلاش تمثيل
مش هيخيل
عليا الحزن
ف دموعك وف كلامك
ليست هناك تعليقات:
إرسال تعليق