خلاص تعبت من كتر كذبك وخداعك
قررت أدوس علي قلبي اللي جرحني
وانهي بأيدي علي سبب يأسي ؤحزنى
وارسم الضحكة علي وجهي وروحي
وانسي كل ماأدى لوجع قلبي وجرحي
هقول لجرحي منه ياقلبي ماتزعلشي
هاخبي الدمعة جوايا ورد فرحة عيوني
واصاحب قلبي من تاني وأرد بهجة ايامي
و أي إيد حاولت في يوم تيجي وتدبحني هارد لها الألم أكبر وأرجع أعيش مع نفسي
كفاية إني نسيت معاك ايامي ووجداني
كان نفسي اعيش معاك واحقق كل احلامي
لكن لقتنى ببكى علي سنين راحت من عمري
ده انا هاسجد وأشكر ربي أنك خلاص بعيد عني
ماذقت من حبك غير بس وجع قلبي
ولما بتيجي علي بالي بقول لنفسي انسي
ده عشق كان من الاول غلطة وسبب ندمي
وحبي ليك ده أكبر ذنب عذبت به روحي
سامحني يارب على غلطتي في حق نفسي
زمان انا كنت بصدق وعودك واقول هاتعوضني
عن العمر اللي ولي و فات وعمرك مايوم هنتني
سندت عليك لقيتني وقعت في عز ماكنت بتوهمني
لقيتك بعت وياما بسببك نمت ودموعي علي خدي
وياما ف حبك أتألمت ياريتني ماكنت حبيتك ياريتني
حقيقي خساره سنين عمري واخلاصي وكلمة حبيبي
اقولك حاجة انا نسيتك زى ما نسيت معاك سنين عمري
انا بعدك بقيت اقوي وماكسرنيش ولاموتني بعدك عني
وبتحدي الحياه وبعيش وحدي وقادرة ارجع من تاني
ولو سألوني عنك يوم هارد واقول كابوس والنهار ايقظني
كأنك كنت حلم زارني في ليلي وقلق حياتي
ودلوقت مافيش جوايا أي جراح بتتعبني
اديني عايشة و بضحك وواقفه علي رجلي
بقيت اجمل من الاول وعندا فيك بقيت اقوي
وعمري تاني ما اشتكي واقولك تعالي نرجع تاني
حبك مات فيا وفتحت عنيا وشوفت الدنيا من تاني
ودلوقت انا عايشة مبسوطة وفتحة للدنيا ايديا
معاك انا كنت مضطره امثل اني مبسوطة
ف عز ما كان قلبي بيتقطع من كتر خداعك فيا
خلاص انا مليت كذبك وغشك وبدأت افوق من وجعي
ده انا زمان شلت الهم وانت ولا بتهتم ابعد يالا وسبني
انت عمرك ماحبيتني انت كنت كل همك بس تهزمني
ابعد ولو سألوني يوم عنك هاقول حلم ومات جوايا
ليست هناك تعليقات:
إرسال تعليق