المحروسة بقلم /حسن حلمى

امسيات الحسن.                        . 13/ 9/ 2020
                     قصيدة
                          ( المحروسه )
                                      بقلم الشاعر : حسن حلمى
مصر  كل  يوم بتنده
                              فين ولاد ارضي ورجالي

واحنا جينا الليله يا امه
                               نهدي  ليكي  كل  غالي

يا ام  شال  وجلابيه
                                والعيون السود بهيه
نفسي اضمك بعينيه
                              واهدي ليكي العمر كله

مصر يا ام الشال بنسمه
                               والعبير من عطر نيلك
افرحي وانا اجري اجيلك
                               اقيد شموعي بقناديلك

واهدي كل الناس محبه
                                 بعطر منك حبه حبه
افردي  دراعك  وضمي
                               كل غايب او في غربه

وامشي فوق الصعب وحدك
                               هتلاقينا في كل خطوه
يا ام  شال  وجلابيه
                               والعيون  السود  بهيه

ابن  بلدك  راح  يغني
                                محلا  نورك  يا صبيه
زي شمس الصبح بدري
                                 حنينه  ودايما  بهيه

فوق كتافك طرحه تولي
                              وفارشه ارضك ورد فلي
لو نويتي في يوم نخطي
                                 نحضن الارض ونفدي

افردي المنديل لشطك
                             خلي ولدك يحمي ارضك
صدقينا راح نصونك
                               يا مصونه  بذكر  ربك

بقلم الشاعر : حسن حلمى