مش انت حبيبي /بقلم علي ابو المجد

.مش انت حبيبي اللى انا عرفاه .. اللى قضيت عمرى معاه ..
انت مش انت واحد تانى .. داللى قدامى وعينى شايفاه
      بتدارى عيونك ليه منى .. بتبعد ايدك ليه عنى .
     فيه ايه  قول  طمنى .. حبيبي فيك مش لقياه ...
.
      احوالك مش عجبانى ..  دايما سرحان بتفكر ...
مش حاسس بيا وبوجودى.. على طول شيفاك متغير ..
احترت واحتار ويايا دليلى .. ويطول ليلى ومش قادره افسر ..

اللى شيفاه قدامى . واحد تانى .. مشاعر برده واحساس تانى .
     .وكلام ملوش اى معانى .. واحد تايه مش لاقى نفسه ..
              .مش حاسس بيا ونا وياه...
.فيه ايه مالك ياحبيبي قوللى.. ايه شاغل بالك وخدك منى..
    .ليه مشاعرك كده مضطربه ..واجى اقربلك تبعد عنى .
.فيه حاجه اكيد مش مظبوطه .. ونا مش مبسوطه
                        ماللى انا حساه .؟

فين الضحكه اللى ف شفايك  ..  ليه ألهم  دا كاسى ملامحك ...
      عندك شك انى بحبك .. والاانت خلاص مشغول قلبك ..
  قول ريحنى  ان شالله تجرحنى.. مووت إحساس فيا دبحنى...
                 .حاولت كتير ان انساه .
                           ه&&ه
.......؟.
تحياتى /على ابو المجد.
.....&&..