انت تكبرت /بقلم احمد بازار

انت تكبرت والكبري لربي فوق
احسن توقع واحترم عاداتنا والذوق
مانا مداري بك ولاداري بسعرك ايش
يا مدعي بالطيش

غيرت سيرتك واصبح كرتكم محروق
ولعاد لك قيمه هوي سعرك سقط في السوق
كل من تنكر ما يعقه ملح والا عيش
 يا مدعي بالطيش

حبيت يا قلب في خلك ضناك الشوق
الغدر من شيمته ماله عهد والا حقوق
هل عاد با صدقك يكفي من كلامك فيش
يا مدعي بالطيش

لا تغرك الاموال ولباسك من الملصوق
لا دارت الايام با تلبس من المشعوق
شفها تقع قفلات اما بيش والا شيش
يا مدعي بالطيش

جربت كل مفتري ماله صبح مسروق
شليت نفسك في العالي متى با تروق
لي هو تخلف مااندفع با تدفعه بالكيش
يا مدعي بالطيش

اللي مخبى انكشف واللي في الصندوق
غروك اهل السبب لي ينفخون البوق
صابوا الهدف عين قلي ليش تكذب ليش
يا مدعي بالطيش
احمد بازار     م 25/ 1/ 2007  شحير