عارفة /بقلم رمضان البربري

،،،عارفة،،،بقلم الشاعر/رمضان البربري

عارفة لما تكوني جنبي
واسمع منك دقات قلبي
يفرح قلبي ويرفرف
بعد ماكان حالف يخبي

عارفة لما تخطي خطوة
وهلتك بتزيدك سطوة
تترج الأرض تحتيكي
وأبأة أنا هايب الخطوة

عارفة لما تبصي ليا
ونظرتك تهمس لعنية
ألاقي كل شيء حوالية
وكأني لامسة بإيدية

عارفة إنتي لية ساكنة
وجوة قلبي ديما راكنة
عارفة لية إنتي قدري
عشان لكلي إنتي حاضنة

عارفة لية يابنت الإية
شمس نهارك ساطعة لية
لأن القمر غار منك
وبيتكسف وتوة عينية

عارفة لما بحضنك تضمي
بحس فيكي بنبض  أمي
بحس إنك جوة عروقي
وإنك بتجري في دمي