نطرتك /بقلم محمود عجور

نطرتك هالعمر كله
وكانت أحلى أيامي وسنيني
لهالعمر شو بقله
لوين بعدك موديني
حبيت الفرح منك يجيني
لقيت  الحزن كله ماليني
هربان وليش مجافيني
محل الورد عالشوك امشيني
دقة قلب ما تحب تهديني
كسرت الحلم والنوم معاديني
خمنت الهوى إنت شاري
وبالنوايا أنا شو مدريني
النظرة منك كانت دوا يشفيني
واليوم عرفت ربي فيها باليني
يوم بحس مالك أنا هالدني
ويوم سكينك بالقلب يغزيني
يمكن بعد غيابي
تقرا آخر كلماتي
بعدها تحس بدفا
 من برد آهاتي

آخر كلماتي
بقلمي محمود عجور