حبيت أحكي الحكاية /بقلم عبير جلال

حبيت أحكي الحكاية
ماعرفتش أبتدي منين الحكاية
من كلمة أتكتبت على الشفايف
ولامن نظرة عين إتلقت مع الحبايب
ولا من دقة قلب نطقت بالحب
ولا من لهفة روح لروح بتحب
منين ابتدتي الحكاية
من يوم ماعيني جت في عنيك
ولا من يوم ماروحي إتعلقت بيك
ولا من يوم ماقلبي
ماإتلهف عليك
أحكي أيه ولا أيه
عن حبك اللي دبت فيه سنين
ولا عن الأه اللي بتقسم قلبي نصين  ولا شوقي اللي بتشرخ صمت الليل
ولا أحكي عن لهفتي في احلامي
بأحلم بيك وأنت معايا
مرة أنده عليك
ومرة أتوسل ليك
ومرة أفكرك بعهد الحب
اللي مكتوب بدمنا
ياشوق وعذاب السنين
أبتدي منين
من أول مافتحت عيوني عليك
ولوحكيت عن حبي ليك
عمر ما هتكفي الأيام والسنين
لوحكيت قصة حبنا
دي ليها أكتر من بداية
ليالي ليالي شوق وحنين
وقصة حب على مر السنين
من زمان عشت معاك أجمل
أجمل سنين عمرنا
عشنا لحظات عشقنا
نسينا فيها طعم الأنين
ضمتنا الأيام وفرقنا الزمان
وبرغم كدة فضل عشقنا
برغم الفراق والعذاب
عشنا على حلم يجمعنا
رجعت تضحك لينا تاني أيامنا
ورجعت الضحكة لقلوبنا
إبتسمت عيونا وفرحت حياتنا
رجع شباب الحب
ولبست السنين فستان الفرح
ورقصت على دقات قلوبنا
ورجع العشق من تاني
برغم الزمان
إلا أن قصة حبنا
 عاشت فوق السحاب
حب سنين عمره
لسه باقي جوة قلوبنا
أصل حكاية حبنا
إتكتب في لحظة من عمرنا
بقلم عبير جلال
١٤/١/٢٠٢٠