يا إسكندرية /بقلم محمد البريمي

شعر غنائى ..
(( يا إسكندريه ))
يا إسكندريه يا إسكندريه .. إنتى و بحرك غاليين عليا

فيكى السحر فيكى الدلال .. الله ع  الجمال ميه ميه ..

جمال طبيعى و  ربانى ..  و عيون سود غزلانى ..

أما الرموش كحله و عجبانى  .. و الخدود مليون الميه ..

         يا إسكندريه ..

إسكندريه قالوا  ماريه .. و ترابها زعفران ..

و اللى يهواها م يسلاها .. م هوش خسران ..

دا هواها بيرد الروح .. و يداوى القلب المجروح ..

ناس بتيجى و ناس بتروح .. و الهوى هو السلطان ..

        يا إسكندريه ..

البحر بيضحك ف الوش  تملى .. و الصهبجيه أمان يا لاللى ..

و مراكب الخير رايحه جايه .. و نسايم عبير يا دلى

بالليل هنا  غنى و مواويل .. و النجوم عم ترقص و تميل ..

و القمر طالع و جميل .. وكل حبيب  و  معاه خلى ..

        يا إسكندريه ..

بقلم الشاعر ..
محمد البريمى ..