صدقني /بقلم علي ياقوت

صدقنى

صدقنى انا نسيتك
ونسيت لياليك

وكرهت كمان الهوى
علشان معاليك

جاى بعد ايه
زمان بوست رجليك

وابعد  كمان
الله يخليك

وروح لزمانك
خليه يسليك

وان معرفتش
تنسا
خليه يمليك

زمان كان الدور عليا
دلوقت الدور
عليك

خلى بقي ينفعوك
الناس ال كانوا
زمان حواليك

ال فرقونا زمان
هاتهم بقي ليك

يمكن كلامهم
من تانى يعليك

بس حفضل
زى ماانا
وقلبى زى ماهو
مفهش تمليك

على ياقوت
مصر

٦-١٢-٢٠١٩