لسه بينا الحلم باقي /بقلم عبد الله الخطيب

لسه بينا الحلم باقى
مش راح انسى انك حبيبتى
او راح انسى اللى ما بينا
مش هااقول انك مخاصمة
او ف يوم انك نسيتى
مش هااقولها
لأ حبيبتى مش هااقولها
لسه هااعتبرك مسافره
او ف رحله
او كأنك ف الأجازة
لسه برضه ف قلبى نبضك
هوه ده طبع الاصيل
انتى بس العقل شارد
حبتين
حبه ليكى وحبه ليا
لسه برضه مش ناسيكى
الفرح والحزن بينا
عهد بينا بنقسمه
لسه فاكرك
لسه فاكر يوم زفافنا
لو سمحتى بصى شوفى
وافتحى القلب تشوفيها
اوعى حاسبي لا تداريها
لسه ف البرواز اهيه
زى ماهى
ترحه بيضه وتولى ابيض
والامل ف قلوبنا ساكن
أيوه ساكن مش ايجار
اوعى تنسى ف يوم حبيبتى
ور د طارح ف الجنينه
ورده بيضه وورده حمره
ورده من زهر البنفسج
محتاجين طلة عنينا
والحنان اللى مابينا
بصى شوفى
والحقى
الورود قبلن ماتدبل
لسه محتاجه لايدينا
بوسه منا
ع الخدود تفضل تطبطب
خلى بالك عطشانين
زعلانين
ذنب ليا وذنب ليكى
اغفرليلى
ربنا بيغفر ذنوب
مالها حصر
مهما كانت م الخطايا
واحنا بينا مافيش ذنوب
بينا حب
مهما بتطير الوليفه
بكره ترجع تانى وتحن لوليفها
مش رح ازهق
بينا حضن كبير ودافى
لسه بعتبرك مسافرة
لسه واقف فى المطار

عبد الله الخطيب
     مصر