حدوتة الحب /بقلم حمدي البوقي

حدوتة الحب
اذا كان بينام النجم في بطن الليل
عينى ما بتغفل ولا بتنام
ولا تسكت جواى المواويل
يجرى جوايا القول يجرى
زي مايجرى حافى فى  ساعة قيل
زي مايرمح خيال من تحته الخيل
يطلع من جواى الغنا في الليل
عاشق انا من سنه
لا من سنين
وبنيت لى بيت
في الحلم اسمر من طين
رشيت حواليه الارض بحنه
خضره وبساتين
والحب الاخضر
خلف في الحلم
خلف لي جنين
نجمه بتضحك لينا
ملهاش مسافات
وكتبت بأيدى السمره
علي بيتنا الطين
عاشق انا من سنه
لا من سنين
بقلمي
الناقد حمدى البوقى