الشعر ده رحلة /بقلم د/نشأت عادل

الشعر ده رحلة
 مع الأحلام
علشان كده
 ب اعمل ل
 شعرى طقوس
دى حروف ولا
ب تهدى ولا ب
تنام.................
ولا يوم ح يتباع
الكلام ب فلوس
......................
الشعر تركيبه وليها
ميزان
لو يوم ميزانها
اتقلب
مش راح تكون
م الأدب
و ح نبقى احنا
السبب
لو قلنا أى كلام
واختلت الأوزان
..................
الكلمة بنت الحرف
والحرف أصله.......
كلام........................
وان يوم خالفت....
العُرف.....................
راح تبقى بنت.......
حرام.......................
اغزل حروفك.........
توب.........................
اوعاك تِرُص ف......
طوب......................
واحرص على..........
المكتوب..................
ح يعيش مع الأيام
....................
اكتب كلام ب ضمير
حَرَّص على اخواتك.
ده كلامنا له تأثير.....
خليه ف حسناتك.....
دى كلمه ب تلِّمُهُم.....
وكلمه ب تسِمُّهم.......
وكلمه ب تزُقُّهُم........
والعيب ف كلماتك....
....................
اعدل ميزان الحروف
واوزنها بالقسطاس...
ب يشوف كلامك......
أُلُوف..........................
حُط الكلام بمقاس....
ربك ح يجزى عليه...
ويحطه ف ميزانك...
ح يشوف كتبت ف..
إيه.............................
يجازيك ب إحسانك
يا يكون كلامك سبب
ف دخولك الجنة.....
يا تخش بيه الجحيم
والبركة ف لسانك...
   د/نشأت عادل