مش هاعوم تاني /بقلم أسامه جديانه

مش هاعوم تاني على عومك
وأرجع أعاتبك وألومك
ويعود تاني الوصال

أتحملت منك كتير
مش شايف منك تغيير
كل مره تقولى بغير
ودي أسوء خصال

قولي فين راح عشقنا
والتفاني فى حبنا
ولا راح فين الدلال

كان بينا كتير تفاهم
كان قلبي بحبك هايم
شيلتيني حمل الجبال

كل يوم ملام وعتاب
لجل ماتعودي للصواب
وعشنا سنين على دا الحال

فاكره أني أرجع وألومك
مش ممكن أعوم على عومك
تبقي عايشه فى الخيال

اللي شوفته معاكي كفايه
أنتي أخترت النهايه
وأنتهى بينا الوصال

                             (((أسامه جديانه)))