علي مهلك /بقلم محمد محمد الرفاعي

(  علي مهلك  )

علي  مهلك  يا  ناسيني

من جرحك مين يداويني

ويمسح الدمع عن عيني

وفي الخطاوي يواسيني

علي  مهلك  كفايه  ملام

عيني من بعدك ما  بتنام

ولا زارتها  مرة  الاحلام

كفايه  غيره  بلا   اوهام

علي مهلك  وانت  بتهجر

علي  قلبي  اياك   تفجر

الحب مهوش ...... دفتر

ولا كلام  .........متشفر

علي مهلك  وانت  بتعاتب

في كلامك لم تاجى  كاتب

بيوقف سير ..... المراكب

ويعطل الشراع اللي  راكب

#كلمات_محمدمحمدالرفاعي