محمد البريمي // يكتب // ياليالي الشوق عودي

شعر غنائى ..
( يا ليالى الشوق عودى )
يا ليالى الشوق عودى .. وحشونا الأحباب ..

بقالهم عام و التانى .. م دق علينا الباب ..

لا إرتاحنا ولا إتهنينا .. ولا شوفنا النوم بعنينا ..

من كتر م جرى لينا ..  الفراق كان صعب علينا ..

          يا ليالى الشوق  ..

يا ليالى الشوق تعالى .. خلى القنديل ينور  ..

القعده معاه تحلالى  .. ع النيل و البدر منور ..

الله عليك يا نيل .. يا منور القناديل ..

محلا السمر بالليل .. و الغنا و المواويل ..

         يا ليالى الشوق ..

يا ليالى الشوق .. يا  ليالى القمر  ..

أجمل م فيكى  .. عشاق السهر ..

اللى بيشتاق لحبيبه .. و ف قلبه شوق و مرار ..

و اللى مستنى نصيبه .. يجيله على إنتظار ..

          يا ليالى الشوق ..

يا ليالى الشوق .. يا ليالى الحيارى ..

و القلوب التعبانه .. و العيون السهارى .

ف لياليكى الجراح بتطيب .. و الأمل ف بكره قريب ..

لكن دى قسم و نصيب .. يطلع القمر م يغيب ..

         يا ليالى الشوق ..

بقلم الشاعر ..
محمد البريمى ..